Friday, January 14, 2011
പശു .
ജീവിതം പശുക്കളെ സൃഷ്ടിക്കുന്ന നാട്ടിലാണ്
അവള് വന്നു ജനിച്ചത്.
തെറ്റുകളുടെ ശിക്ഷ ആയിരുന്നു അത്.
തെറ്റെന്ത് എന്നറിയാതെ ശിക്ഷ അവള് ഏറ്റു വാങ്ങി.
കഴുത്തിലൊരു പഴയ കയറു കുരുക്കിക്കെട്ടി
കുറ്റിയടിച്ച് അവര് അവളെ കെട്ടിയിട്ടു.
കാമധേനു എന്നുവിളിച്ചു സ്നേഹിച്ചു.
ആദ്യം അവള് അനങ്ങാതെ നിന്നു
കറവക്കാരെ തൊഴിച്ചും കുത്തിയും ഇല്ല .
കാലം ചെന്നപ്പോള് നടന്നു നോക്കി .
തനിക്കും ഒരു വട്ടം ഉണ്ടെന്നു കണ്ടു പിടിച്ചു .
വട്ടത്തിന്റെ വിസ്തൃതി,വ്യാസാര്ധം എല്ലാം മനസ്സിലാക്കി .
പിന്നെ വട്ടമായി നടന്നു.
കയറിനു നീളം കുറഞ്ഞു വന്നു .
ഒടുക്കം കയറില്ലാത്ത കഴുത്തെന്ന അവസ്ഥയായി.
കഴുത്ത് കുറ്റിയില് മുട്ടി നിന്നു.
കറവക്കാര് അപ്പോഴും വന്നു.
പാല് കറന്നെടുത്തു.
ഗോമാതാവിനു
നെറ്റിയില് ചുട്ടിയും കുത്തി.
മുന്നില് നിന്നു തൊഴുതനുഗ്രഹം ചോദിച്ചു
പശുവായ അവള് അപ്പോഴും തൊഴിച്ചില്ല.
പശുവിനെപ്പോലെ മാന്യത കാണിച്ചു
പാല് മാത്രം കൊടുത്തു.
Subscribe to:
Post Comments (Atom)
പശു ജന്മങ്ങള്!
ReplyDeleteഇതെനിക്ക് ഏറെ ഇഷ്ടായി.:-(
ithrathoalm pashuvine churutii kettarundo?........
ReplyDeleteപശുവായ അവള് അപ്പോഴും തൊഴിച്ചില്ല.
ReplyDeleteപശുവിനെപ്പോലെ മാന്യത കാണിച്ചു
പാല് മാത്രം കൊടുത്തു.